النهارالاخباريه وكالات
تحدث الرئيس المصري عبد الفتاح السيسي، خلال تدشين موسم حصاد "مشروع مستقبل مصر" الزراعي للتنمية المستدامة، الإثنين 13 مايو/أيار 2024، عن أزمات عدة واجهته؛ ما اضطره إلى اتخاذ قرارات اقتصادية صعبة شعر بها كل المصريين، وعرض مشكلة المياه والزراعة في مصر بجانب طرح خطة لحل أزمة الدولار.
أزمة المياه
حديث السيسي حول المياه جاء كرسالة للمصريين قال فيها: "إن الدولة تواجه تحدياً كبيراً في توفير المياه؛ بسبب كثرة عدد السكان ونستثمر كثيراً في توفير المياه يامش هنزرع"، لافتاً إلى أن "المياه ليست متوفرة في مصر بالبساطة اللي بتشوفوها، ومحتاجين تطور نظام الري والزراعة".
وأضاف الرئيس المصري: "صرفنا 300 مليار جنيه في بعض مشاريع إعادة استخدام المياه، ومكنش عندنا خيار تاني يا إما بلدنا هتخرب"، موجهاً رسالة اطمئنان للمصريين وقال لهم: "تفاءلوا باللي إحنا بنعمله اللي اتعمل قبل كده في 200 سنة أنا بعمله في 3 أو 4 سنين".
وتابع السيسي: "معنديش خيارات تانية أنا زنقت نفسي وزنقت البلد علشان نعمل دولة واللي بيتعمل ده آثاره يوم عن يوم بتعود للدولة اللي بتنمو أكتر من 2 مليون إنسان في السنة.. لما أقول الكلام ده مش ميديا والله العظيم أنا صادق.. ولو صادق حقيقة ربنا يوصل صدقي ليكم".
السيسي يعلق على اللاجئين
كما علق السيسي على اللاجئين المتواجدين في مصر، وأشار إلى أن عدد سكان مصر يبلغ 106 ملايين نسمة، بالإضافة إلى ضيوف مصر الذين يصل عددهم إلى 9 ملايين، مضيفاً: "لما الدكتور مصطفى مدبولي قال إن العبء المالي علينا من هذا الموضع يصل إلى 10 مليارات دولار، كتير أتكلم وقال معقول يعني الرقم ده؟".
أضاف السيسي خلال افتتاح المرحلة الأولى من موسم الحصاد بمشروع مستقبل للتنمية المستدامة: "لو إحنا بندي متوسط الميه اللي هو أقل معدل عندنا 500 متر في اليوم في 9 ملايين يبقى 4.5 مليار متر في السنة، لو عملهم محطات تحلية أو محطات معالجة ده بتكلف أرقام كبيرة قوي".
خطة السيسي لأزمة الدولار
وحول مشكلة الدولار في البلاد، قال السيسي إن تجاوز مشكلة الدولار في مصر يكون من خلال الاعتماد على المنتج المحلي، ويكون بقدر كبير حتى يغطي احتياجات مصر ويتم تصدير الفائض إلى الخارج.
بخصوص تجديد المساجد الأثرية، علق السيسي قائلاً: "فيه كتير قالوا إن الحكومة والرئيس السيسي دايماً بيحب يعمل كل حاجة زيادة عن اللزوم شوية.. قالك شوف المسجد بتاع السيدة زينب والحسين.. آه طبعاً لما أخش أعمل وأرفع كفاءة مسجد يبقى أدهنه من بره وخلاص؟.. لا.. ده بيت ربنا ميتعملش إلا صح".
وكان الرئيس المصري، قد افتتح، صباح الأحد، مسجد السيدة زينب بالقاهرة، بعد الانتهاء من أعمال التطوير، وذلك بحضور عدد من الشخصيات العامة والسياسية.
جاء الافتتاح بعد الانتهاء من عملية التطوير التي شهدها المسجد، ضمن خطة تطوير وتجديد مساجد آل بيت النبي صلى الله عليه وسلم، وذلك بحضور السلطان مفضل سيف الدين، سلطان طائفة البهرة بالهند.